بس أحنا كنا نسينا نقول حاجه ان الشباب التلاته دول مش من القاهره يعني هيسكنوا مدينه جامعيه وجه اليوم اللي نزلت فيه اسامي المقبولين وكله عاوز يدفع بس اعداد كبيره ونظموا نفسهم طبور طويل جدا بس في ناس بتحب تسهل علي نفسها وتطلع قدام بس زي ما في كده في ناس دمها حامي ومتحبش حد يستغفلها ومنهم صاحبنا مصطفي اول اما شاف واحد بيحاول يدخل مكان مش مكانه شد معاه وشدت خناقه كبيره بس كله دخل يفصل بينهم وكان من الناس اللي فصلت مصطفي عمنا محمود وابو الشباب كريم وقعدو يهدوه شويه واتكلم كريم وقاله مالك يا كبير شادد براحه رد مصطفي@ مانت شفت بعينك اللي حصل ابن........شايفنا واقفين........ودخل محمود فجاه@ براحه يا الا هو انت اسمك ايه قاله انا مصطفي طب ده يصح يا مصطفي الشتيمه والكلام ده مصطفي@ معلش اعذرني بس انت شايف الجو ازاي فالبلد الواطيه دي والطابور مش خالص والامور جي يستظرف كريم@ خلاص يا جماعه حصل خير تعالو بقي بقي نقف تاني في ام الطابور اللي شكله مش ناوي يتحرك وبعد تلت ساعات من الوققه فالحر دفعوا وخلصو ورقهم راحو عشان يعرفو هيقعدو في اي مبني وغرفه كام وبسبب الفشارين الا بيكسفو يقولو معرفش طلع عينيهم عقبال اما لاقو المبني المنشود ودخل الطلبه كلهم علي مشرف الاسكان وكان راجل خنيق مولا حسب وصف كريم قعد المشرف يشرحلهم وقال الطلبه المستجدين كل تلاته يختارو مع بعض الغرفه اللي عاوزين يسكنو فيها طبعا كل الطلبه جداد ومحدش يعرف بعض بس محمود حس انه يعرف مصطفي وكريم من سنين فراح ناحيت كل واحد وعرض عليه انهم يقعدو مع بعض وفعلا وافقو لانهم حسو ان في بنهم توافق مع ان كل واحد ليه فكره الخاص وفعلا قعدو مع بعض في غرفه واحده واحد دماغه دين وخوف من ربنا والتاني سياسه ونفسه يصلح من البلد الفقر دي وصاحبنا كيمو عاوز ينزل الكليه عشان نفسه يظبط نفسه يعيش زي كريم عبد العزيز مع واحده زي غاده عادل في فيلم الباشا تلميذ ودخلو القوضه بتاعتهم وكانو هلكانين بعد اللي شافوه ومفيش فبالهم غير انهم ينامو بس فجاه قام محمود وزعق@ ايه ده احنا هنام ومصلناش الظهر بص كريم لمصطفي باستغراب وبادله مصطفي نفس النظره بس لقوا محمود بيتكلم جد يالا ياجماعه مالكم مبلمين كده يالا امال متخلوش الشطان يضحك علينا وقام الشباب وهمو متضايقين بس قامو برضه وبعد الصلاه كله طار علي سريره وبعد تلت ساعات نوم قام محمود واخد يصحي الناس اللي لو قلنا اشبه للميتين مش هنكدب اصحي يا مصطفي اصحي يا كريم يالا نلحق العصر بس لا حياه لمن تنادي وبعد اما محمود ياس راح يصلي لوحده وبعد الصلاه حس بجوع فظيع بس مفيش اكل طب منين هجيب اكل ملقاش حل غير انه يرجع يصحي مصطفي وكريم عشان اكيد هما جعانين برضه وبعد عناء كبير قامو بس مكنش عندهم حل وهمابرضه جعانين فاقترح كيمو اننا نسال واحد من الناس القديمه هنا وخبط كيمو وفتحلوا اللمبي بس مش اللمبي الممثل ده واحد تاني بس اسمه محمد سعد بس شهرته اللمبي معادنا الحلقه الجايه عشان نشوف اللمبي افتي وقال ايه@ملحوظه بسيطه اللمبي يعتبر افشر طالب تواجد بالمدن الجامعيه بحلوان منذ تم انشاؤها